Коррупция деярли барча давлатлар учун катта муаммо туғдираётган ҳуқуқбузарлик тури, умуминсоний халқаро даражада тарқалган иллатдир. Маълумки “коррупция” тушунчаси лотин тилидаги “corruptio» сузидан олинган булиб, мазмуни “бузиш, сотиб олиш” маъносини беради ва унинг грамматик бир илдизли маъноси яна “коррозия” сузи яъни “чириш” ёки “занглаш” деган мазмунни хам беради. Шундан келиб чикиб бу сузни ижтимоий куриниши хокимиятни бузиш, чиритиш оркали сотиб олиш” деган маънони беради. Коррупция албатта бугун пайдо бўлган иллат эмас, у қадимдан буён мавжуд бўлиб келмокда. Қадимга юнон файласуфи Аристотел айтганки “Ҳар қандай давлат тизимида- қонунлар ва бошқа фармойишлар орқали ишни шундай ташкил қилиш керак-ки, унда мансабдор шахсларни ноқонуний йўл билан бойишига йўл қўймаслик лозим” деган.Ўзбекистон Республикаси давлат мустақиллиги эълон қилингандан кейинги ўтган давр мабойнида мамлакатимиз ҳаётининг барча соҳаларида жуда катта, улкан ишлар амалга оширилди. Хусусан, давлатимизда мустақилликнинг дастлабки йилларидан бошлаб суд-ҳуқуқ тизимини ислоҳотлар билан қамраб олишга давлат сиёсати даражасида аҳамият қаратилди. Бу эса ушбу соҳадаги ишларнинг кўламини, миқёсини ва самардорлигини кейинги беш йилликда ниҳоятда кенгайтириш ҳамда янги босқичга кўтариш имконини берди. Бу борада олиб борилган муҳим йўналишлардан бири бу коррупцияга қарши курашнинг кучайтирилганлиги хисобланади. Хозирги пайтда коррупцияга қарши кураш бўйича бир қатор меъёрий-ҳуқуқий ҳужжатлар қабул қилиниб, мазкур йўналишда ҳуқуқни муҳофаза қилувчи идораларнинг фаолияти йўлга қўйилди. Коррупция ва жиноятчиликка қарши курашиш ҳамда унинг олдини қаратишга қаратилган мустаҳкам ҳуқуқий база ва тизимли амалиёт шаклланди. Хусусан, 2017 йил 3 январда Ўзбекистон Республикасининг “Коррупцияга қарши курашиш тўғрисида”ги қонуни қабул қилинди.Президентимиз Ш.Мирзиёевнинг 2018 йил 7 декабрдаги Ўзбекистон Республикаси Конституция қабул қилинганлигининг 26 йиллигига бағишланган тантанали маросимда сўзлаган нутқларида ҳам бежизга Давлат ва жамият ривожига, халқнинг адолатга бўлган ишончига жиддий путур етказадиган хавф – коррупциянинг олдини олиш ва унга қарши кескин курашиш борасида ҳам аниқ чоралар кўрилганини, коррупцияга қарши курашда ҳуқуқни муҳофаза қилувчи идоралар қанчалик ҳаракат қилмасин, халқимиз бу жирканч иллатга муросасиз бўлмас экан, таъсирчан жамоатчилик назорати ўрнатилмас экан, бу балога қарши самарали курашни ташкил эта олмасликни, бу иллат билан нафақат ҳуқуқни муҳофаза қилувчи идоралар, балки ҳар бир жамоа жиддий курашиши кераклигини, шунинг учун ҳар бир давлат идорасида жамоатчилик томонидан назорат қилинадиган коррупцияга қарши курашиш бўйича ўз ички дастурлари бўлиши шартлиги алоҳида таъкидланган.Шу муносабат билан, Коррупцияга қарши кураш агентлиги ташкил этилган.Коррупцияга қарши кураш мақсадларига фақат жиноят-ҳуқуқий воситалар билан эришиб бўлмаслиги тарихдан маълум. Бу борада барча соҳаларда кенг кўламли ислоҳотларни амалга ошириш, фуқароларнинг ҳуқуқий онгини ва дунёқарашини ўзгартириш, мазкур иллатга қарши курашда давлат органлари, жамоат ташкилотлари ва фуқароларнинг биргаликдаги саъй-ҳаракатлари билангина кутилган натижага эришиш мумкин.
Фуқаролик ишлари бўйича Хатирчи туман суди раиси А.Ҳамраев